Hindi Shayari Archive by Agyaatusse kaha tha,
"kagaz par nahi rakhunga."

Ki dekh kar uski tasveere,

Ham kuchh yu muskuraya karte hai,

Sochh kar unn ankho ke bare me,

Ham yuhi waqt zaya karte hai,

Kuchh toh baat hai uss chehre me,

Yu hi nahi usse dekh kar,

Ham sare gam bhulaya karte hai,

Rakh lu chupakar jamane ki nazro se use,

Suna hai —

Log aksar khubsurat chizo par nazar lagaya karte hai.

Khwaish yehi hai ki uski muskurahat kabhi kam na ho,

Kabhi kisi baat ka use gam na ho,

Agar bane ham wajah usske gham ki,

Sham dhalte hi yaha ham na ho.

Yu mukh madhur se mand mand muskye rahi ho,

Jaise jaise hamko yu sataye rahi ho,

Yu bekrari ki bimari me hame bahaye rahi ho,

Kaise kaise iss dil ko lubhaye rahi ho,

Yu nayno ke natkhat nritya ke nishane lagaye rahi ho,

Aise aise iss chanchal man ko behlaye rahi ho.

Ki ye julfo ke jaal jo tum failaye baithe ho,

Sare sitare inme sajaye baithe ho,

Iss jalim jamane ki janjire jalaye baithe ho,

Dil ke dard dil me hi dafnaye baithe ho…

Asar kuchh aisa hua hai tera mujhpe,

Ki, ankhe band karne par bhi teri awaj sunai deti hai,

Aur abb toh sisha nihaarne par bhi,

Mujhme bass teri hi tasveer dikhai deti hai.

Vo aaj kya khoob muskurai hai,

Mud kar mujhse nazre milai hai,

Nazro se aaj kisi ne madira pilai hai,

Balo ki khushbu toh aise mano kisi ne,

Aaj hava me bhang milai hai.

Ki aaj toh tum milna chahte nahi mujhse,

Kya pata kal ho na ho,

Par ek vo din aayega shayad,

Jab tum milna chaho,

Aur kya pata ham ho na ho.

Kisi din agar khabar aai mere guzarne ki,

Toh kya zanaje me shamil ho paoge,

Aaj kal toh kafi vyast ho,

Kya tab vaqt nikaal paoge…

Ki aaj mujhe milna hai tumse,

Mil kar kuchh kehna hai tumse,

Ki abb aur saha nahi jata ye akelapan,

Aaj bass milna hai tumse…

Kabhi kabhi kuchh adhuri kahaniya bhi kai baat sikha jati hai,

Jaise uss adhure rishte ki baat har raat yaad aati hai.

Abhi kal hi toh mila tha mai tumse,

Na jane kab arse beet gaye,

Abhi toh dil bhara bhi nahi tha tere deedar se,

Aur tum pehle hi saath chhor gaye.

Ki, dushmani karo agar mujhse,

Toh iss qadar nibhana,

Mere rehne par toh nahi hi,

Mere marne par bhi mat aana.

Aur hann,

Ki agar haqq do mujhe tum,

Duniya ki nazro se bacha ke rakhne ka tumhe,

Toh ek wada mai bhi karunga,

Khuda ke dar par bhi tere saath khada rahunga.

Shaqsh ke samne baith kar toh sab niharna jante hai,

Kya koi jaanta hai man ki ankhon se niharna kaisa hota hai,

Dil me uski tasveer bana kar,

Raat guzarna kaisa hota hai,

Kaisa hota hai chup reh kar sab kuchh sehna,

Jisse pyaar kiya, bin uske rehna,

Niharna toh sab jante hai,

Kya jaante ho man ki ankho se niharna kaisa hota hai.

Na kabhi mai ye bata paunga,

Na tum kabhi samajh paoge,

Yu hi mai rakhunga chupa kar ise,

Bass is intejaar me ki,

Ek din tum khud mere pass aaoge,

Aakar mujhe sine se lagaoge,

Laga kar sine se mujhe shant karaoge,

Phir pochh kar mere ansu mujhe fatkaar lagaoge,

Suna kar do batein phir tum mujhe ye bataoge,

Ki na mere bhina tum bhi reh paoge,

Bass isi ummeed me jee raha hu shayad,

Ki ek din tum khud hi samajh jaoge.

Mujhe mere saath akela mat chhoda kar,

Akele me mera khud se hi jhagda ho jata hai,

In najro ko talash hoti hai teri,

Dil me ek aas hoti hai teri,

Dimag kehta hai bass kar sochna uske bare me,

Isi baat pe atma naraj hoti hai meri.

Gam ka toh bass ek bahana tha,

Asal me toh bass tujhe gale se lagana tha,

Dil ki dhadkan tujhe sunana tha,

Itne salo se dabi hui baat aaj batana tha.

Kehti hai, ki mujhse baat kar ke kyu apna waqt zaya karte ho,

Chhan bhar milne mujhse kyu itni dur aaya karte ho,

Kyu raton me mere khatir tum roya karte ho,

Ankho me pani liye soya karte ho,

Chhor do na abb ye sab —

Kyu mujhse baat kar ke tum khud bhi rote ho aur mujhe bhi rulaya karte ho.

Toh jawab diya phir maine,

Ki pal bhar baat karke kitna khush mai hota hoon,

Tujhse chhoti si mulakat kar ke sukoon se sota hoon,

Aur jaane ki baat karke kehti hai,

Kyu main raton me rota hu.

Jana tha jisko chala gaya vo chhor kar,

Ham hi tehre rahe iss mod par,

Bun rahe hai ek kissa,

Vo saari yadein samet kar.

Ki mai hasta hu taki,

Koi puchhe na mujhse haal mera,

Aur jo bin bole hi jaan le sab kuchh,

Vo ek shaqsh tu — kamal mera.

Ki jo chala gaya chhor kar,

Use bhul jane wale kayar,

Aur jo sajaye uski yaad,

Kaam saare chhor kar,

Bass usi ka naam hai shayar…

Kuchh rishte aise hi nibhaye jate hai shayad,

Khaas tofe hi ghar ke bahar jalaye jate hai shayad,

Kisi ki ghadi, toh kisi ke kangano se usne sajaya hai khud ko,

Iss jamane me Hamraz aise hi sataye jate hai shayad.

Pata hai mujhe ki, kitna pareshan hai tu apni zindagi me,

Samajhta hu teri saari taklifen — bas tu bataya kar,

Hu saath tere mai, yu na tu door jane ki baat jehen me laya kar,

Kabhi pareshan ho duniya se toh, mere pass aaya kar,

Apne din ka tu pura haal sunaya kar.

Nahi pata shayad tujhe,

Mere liye tu kitni khaas hai,

Mere dil ke tu kitne pass hai,

Iss jamane se haarne ke baad,

Meri tu hi toh ek aas hai.

Tere hone ki ahmiyat tujhe kaise samjhau,

Tere uljhe mann ko kaise suljhau,

Tu toh keh deti hai ki nhi rehna tujhe iss duniya me,

Bata tere bagair iss duniya ko mai kaise apnau,

Teri muskurahat se apne din ko sajaun,

Tere hone bhar se mai tar jaun.

Na kara kar yara hu duniya chhorne ki batein,

Tere hone se haseen jo,

Tere bagair kaisi hongi ye ratein,

Mana ki logo ko andaza nahi teri ahmiyat ka,

Tere hone se aati hai saansein.

Jate waqt meri dhadkane saath le jayega kya,

Shaq hai ki tere jane ke baad ye dil mujhse sambhal payega kya.