Love Shayari in Hindi

Ki dekh kar uski tasveere ,

Ham kuchh yu muskuraya karte hai,

Sochh kar unn ankho ke bare me,

Ham yuhi waqt zaya karte hai,

Kuchh toh baat hai uss chehre me,

Yu hi nahi usse dekh kar ,

Ham sare gam bhulaya karte hai,

Rakh lu chupakar jamane ki nazro se use,

Suna hai ,

Log aksar khubsurat chizo par nazar lagaya karte hai

Khwaish yehi hai ki uski muskurahat kabhi kam na ho,

Kabhi kisi baat ka use gam na ho,

Agar bane ham wajah usske gham ki ,

Sham dhalte hi yaha ham na ho

Yu mukh madhur se mand mand muskye rahi ho,

Jaise jaise hamko yu sataye rahi ho,

Yu bekrari ki bimari me hame bahaye rhai ho,

Kaise kaise iss dil ko lubhaye rahi ho,

Yu nayno ke natkhat nritya ke nishane lagaye rahi ho,

Aise aise iss chanchal man ko behlaye rahi ho

Ki ye julfo ke jaal jo tum failaye baithe ho,

Sare sitare inme sajaye baithe ho,

Iss jalim jamane ki janjire jalaye baithe ho,

Dil ke dard dil me hi dafnaye baithe ho,

Asar kuchh aisa hua hai tera mujhpe,

Ki, Ankhe band karne par bhi teri awaj sunai deti hai,

Aur abb toh sisha nihanrne par bhi,

Mujhme bass teri hi tasveer dikhai deti hai

Vo aaj kya khoob muskurai hai,

Mud kar mujhse nazre milai hai,

Nazro se aaj kisi ne madira pilai hai,

Balo ki khushbu toh aise mano kisi ne ,

Aaj hava me bhang milai hai

Ki aaj toh tum milna chahte nahi mujhse ,

Kya pata kal ho na ho,

Par ek vo din aayega shayad,

Jab tum milna chaho ,

Aur kya pata ham ho na ho

Ki , aaj mujhe milna hai tumse,

Mil kar kuchh kehna hai tumse,

Ki abb aur saha nahi jata ye akelapan,

Aaj bass milna hai tumsee...

Kabhi kabhi kuchh adhuri kahaniya bhi kai baat sikha jati hai,

Jaise uss adhure rishte ki baat har raat yaad aati hai

Abhi kal hi toh mila tha mai tumse ,

Na jane kab arse beet gaye,

Abhi toh dil bhara bhi nahi tha tere deedar se,

Aur tum pehle hi saath chhor gaye

Aur hann,

Ki agar haqq do mujhe tumm,

Duniya ki nazro se bacha ke rakhne ka tumhe,

Toh ek wada mai bhi karunga,

Khuda ke dar par bhi tere saath khada rahunga

Shaqsh ke samne baith kar toh sab niharna jante hai,

Kya koi jaanta hai man ki ankhon se niharna kaisa hota hai,

Dil me uski tasveer bana kar ,

Raat guzarna kaisa hota hai,

Kaisa hota hai chup reh kar sab kuchh sehna,

Jisse pyaar kiya bin uske rehna,

Niharna toh sab jante hai,

Kya jaante ho man ki ankho se niharna kaisa hota haii

Na kabhi mai ye bata paunga,

Na tum kabhi samajh paoge,

Yu hi mai rakhunga chupa kar isee,

Bass is intejaar me ki,

Ek din tum khud mere pass aaoge,

Aakar mujhe sine se lagaoge,

Laga kar sine se mujhe shant karaoge,

Phir pochh kar mere ansu mujhe fatkaar lagaoge,

Suna kar do batein phir tum mujhe ye bataoge,

Ki na mere bina tum bhi reh paoge,

Bass isi ummeed me jee raha hu shayad,

Ki ek din tum khud hi samajh jaoge,

Khair,

Na kabhi mai ye bata paunga,

Aur na hi tum kabhi samajh paoge

Mujhe mere saath akela mat chhoda kar,

Akele me mera khud se hi jhagda ho jata hai,

In najro ko talash hoti hai teri ,

Dill me ek ass hoti hai teri,

Dimag kehta hai bass kar sochna uske bare me ,

Isi baat pe atma naraj hoti hai meri

Gam ka toh bass ek bahana tha ,

Asal me toh bass tujhe gale se lagana tha,

Dil ki dhadkan tujhe sunana tha,

Itne salo se dabi hui baat aaj batana tha,

Toh socha ki ,

Jab tu mere dil ke pass hogi,

Hamari sari baat raaz hogi,

Aur yehi sochh ke sab bol dunga mai,

Ki pyaar toh tu bhi mujhse karti hogi,

Pyaar na sahi,

Kam se kam lihaj karegi,

Aur hamari baten bass raaz rahegi

Kehti hai, ki mujhse baat kar ke kyu apna waqt zaya karte ho,

Chhan bhar milne mujhse kyu itni dur aaya karte ho,

Kyu raton me mere khatir tum roya karte ho,

Ankho me pani liye soya karte ho,

Chhor do na abb ye sab,

Kyu mujhse baat kar ke tum khud bhi rote ho aur mujhe bhi rulaya karte ho

Toh jawab diya phir maine,

Ki pal bhar baat karke kitna khush mai hota hoon,

Tujhse chhoti si mulakat kar ke sukoon se sota hoon,

Aur jaane ki baat karke kehti hai,

Kyu main ratoon me rota hu

Jana tha jisko chala gaya vo chhor kar ,

Ham hu hi tehre rahe iss mod par,

Bun rahe hai ek kissa,

Vo sari yadein samet kar

Ki mai hasta hu taki ,

Koi puchhe na mujhse haal mera,

Aur jo bin bole hi jaan le sab kuchh,

Vo ek shaqsh tu kamal mera

Pata hai mujhe ki , kitna pareshan hai tu apni jindgi me,

Samajhta hu teri sari taklifen, bas tu bataya kar ,

Hu saath tere mai , yu na tu door jane ki baat jehen me laya kar ,

Kabhi pareshan ho duniya se toh , mere pass aaya kar,

Apne din ka tu pura haal sunaya kar,

Nahi pata shayad tujhe ,

Mere liye tu kitni khaas hai,

Mere dil ke tu kitne pass hai,

Iss jamane se haarne ke baad ,

Meri tu hi toh ek aas hai,

Tu yuu na thoda kar khud ko,

Inn logo ke tano se,

Khelte hai ye masoom jano se,

Inhe kya hi pata teri keemat,

Jo insaan ko tolte hai,

Ghr , kapda aur makano se.

Tere hone ki ahmeiyat tujhe kaise samjhau,

Tere uljhe mann ko kaise suljhau,

Tu toh keh deti hai ki nhi rehna tujhe iss duniya me,

Bata tere bagair iss duniya ko mai kaise apnau,

Teri muskurahat se apne din ko sajaun,

Tere hone bhar se mai tar jaunn

Na kara kar yara tu duniya chhorne ki batein,

Tere hone se haseen jo,

Tere bagair kaisi hongi ye ratein,

Mana ki logo ko andaja nahi teri ahmeiyat ka,

Tere hone se aati hai sasein

Tu kehti hai ki na kiya karu teri itni fikar,

Jab hota teri har baat pe hai jahan chhorne ka jikar,

Ainda se na karna aisi fizul ki baatein,

Bata aise me kaise na karu teri fikar,

Jab ho meri har baat me tera jikar

Jate waqt meri dhadkane saat le jayega kya,

Shaq hai ki tere jane ke baad ye dil mujhse sambhal payega kya

Tu lakhh warri ruthegi mai lakhh waar manawanga,

Hor kithhe hi ye jana maine tere wal hi awanga,

Chhad betha mai Sare jag nu,

Ye chan tare mai chhor diya,

Bass ek ho hi ye khwaish meri,

Jindgi bass tere naal jiyan

Aa jao na ek baar phir,

Ek baar phir karo wada na kabhi door jane ka,

Rutho phir ek baar aur do mauka mujhe manane ka,

Loota kar jindgi phir mai khuda se mohlat udhar launga,

Rahega wada yehi ki khushiyon ki purani wahi bahar launga,

Bass tum ishara toh karo lautne ka,

(Jakar duniya se bhi mai laut aaunga)

Agar Kahun ki din akhri hai mera,

Toh laut aaoge kya,

Bikhra hu jo tere jane se iss tarah,

Jarra ruh ka har vo tum jod paoge kya,

Aur chala gaya agar bina bataye kisi din,

Qabr par meri do gulab laaoge kya.....